هي حياتنا ديه ايه غير شوية لحظات كتيرة متجمعة في الوجدان!!
لو دعبست جوه روتين حياتك هتلاقي محطات مبهجة كده...بتستناها تيجي عشان تحفراللحظة جواك وتخبيها من تراب الحياة .. ولو ماكنتش بتستناها , يبقي أكيد كنت بتفرح بوجودها وفي وجودها
J
يعني مثلا إشارة معينه عندها بياعة دايما مبتسمه ما شاء الله .. بس
رؤيتها
بيديك أمل إن اليوم لسه مليان خير ومفاجآت .. بتعلمك إن زي ما حبيبنا المصطفى صلي الله عليه وسلم
قال : [تبسمك فى وجه أخيك صدقة] .. مش بس كده , ده أنت كمان بتنقل العدوه (أكيد عدوه جميلة)!! يعني تلاقيك طول اليوم ماشي مبتسم وسعيد الحمد لله .. ومن ساعتها يا ولدي كل ماتعدي على الإشارة
ديه
تلقائيا هتدور على الست أم الوجه البشوش
J
ولا مثلا أول ما الساعة 8 تيجي تلاقي الحاج والحاجة شغلوا مسلسل تركي وابتدت المؤثرات الصوتية تطلع منهم , وطبعا
بما إننا جيل معروف عنه العرفان بالجميل ,
كورس التريقة والمناكشة
بيبتدي مع بداية المسلسل وينتهي معاه J.. ومن
ساعتها الساعة 8 ديه تبقى غالية قوي قوي على قلبك
J لحظة
لما موبيلك يرن الفجر بصديق بيصحيك عشان تصلوا الفجر سوا وتدعوا لبعض ولكل عزيز على قلوبكم .. بتحمد ربنا من جواك انه رزقك بالصحبة الصالحة
J لحظة
ماتستنى كل يوم الصبح رسالة تذكرة من صديق عزيز
J لما تصحى
الصبح بدري وتستمتع بكوباية النسكافية الملهلبة ودردشة دافية مع أهلك أو شخص عزيز على قلبك
J لما تسجد
سجده
لله ومتبقاش عايز تقوم .. إحساس الراحة والأمان بيجروا في شراين قلبك
J لما
صديقك يعلمك إنك تفتح القرآن كل يوم على صفحة عشوائية وتشوف رسالة ربنا ليك إيه
الصراحة مش هقدر أقولكم على كل محطات يومي المبهجة لإنها ولله الحمد كتير أوي وأنا متأكدة إن محطاتكم حلوة وسعيدة زي محطاتي...كل اللي محتاجينه إننا ننضف إزاز روحنا ونخلي أشعة البهجة تنور أيامنا J .. صعبة
ديه؟
;)
